ಬರಲಾರೆಯಾ...

ತೇಲಿದೆ ತನ, ಹಾರಿದೆ ಮನ

ನಯನಗಳ ಮಾಟವೇನು ನಿನ್ನ

ಹರೆಯದ ವಯಸು, ಅರಳಿದ ಮನಸು

ಬಳಿ ಬಂದು ಬಳಸಿಕೊ ಎನ್ನ....

ಈ ಅಂತರವಿನ್ನು ಸಾಕು.

ಆ ನಗುವಲಿ ಸಹಿ ಹಾಕು..

ಮೌನವಿಹುದು ಈಗ ನಾ ತಾಳಲಾರೆ

ಸನಿಹ ನೀ ಇಲ್ಲದೆ ನಾ  ಬಾಳಲಾರೆ..

ಬರಲಾರೆಯಾ... ನೀ ಬಳಿ ಬರಲಾರೆಯಾ....

ಮೊಗವಿಹುದು ನಿನ್ನ, ಇಬ್ಬನಿಯಲಿ

ನಗುವಿಹುದು ನಿನ್ನ, ಇಂಚರದಲಿ..

ಗಿಡಮರಗಳೂ ಸೂಸಿದೆ ನಿನ್ನಯ ಪರಿಮಳ.

ಬಳಿ ನೀ ಇಲ್ಲದೆ, ಇಹುದು ತಳಮಳ..

ಬರಲಾರೆಯಾ... ನೀ ಬಳಿ ಬರಲಾರೆಯಾ....

ಶುರುವಾಗಿದೆ ಪ್ರಣಯದ ಪಯಣ

ನವ ಹುರುಪು,ಉಲ್ಲಾಸದಲಿ ಈ ಜೀವನ..

ಸಿಹಿ ಮುತ್ತೊಂದು ನೀಡುವಾಸೆ.

ಇರುಳೊಂದು ಮತ್ತಲ್ಲಿ ಕಳೆಯುವಾಸೆ..

ಬರಲಾರೆಯಾ... ನೀ ಬಳಿ ಬರಲಾರೆಯಾ....